ABŞ-ın rəhbərliyi ilə "İraq və Şam İslam Dövləti" (İŞİD) terror qruplaşmasına qarşı yaradılmış koalisiya terrorçuların mövqeləri ilə yanaşı, infrastrukturunu da bombalamağa başlayıb.
Milli.Az Al Arabiya-ya istinadən bildirir ki, dünən Suriyanın ən böyük qaz emalı zavodu olan "Coneco" bombalanıb.
Suriyanın qərb və şimal bölgələrində yerləşən taxıl anbarlarına da raket-bomba zərbələri endirilib.
Bombardmanlarda 19 dinc sakin həlak olub.
ABC hesab edir ki, ABŞ təyyarələri Hələb vilayətindəki Mənbic şəhəri yaxınlığındakı dəyirmanlar və taxıl anbarlarını İŞİD-in hərbi obyektləri sayıb.
Qaz emalı zavoduna gəldikdə isə, Suriya rejimi ilə İŞİD arasında zavoda toxunmamaqla bağlı anlaşma vardı.
İŞİD-in infrastrukturuna zərbələrin endirilməsi terrorçuları maliyyə mənbələrindən birindən məhrum etməkdir.
AP hesab edir ki, İŞİD "qara bazar"da neft və qaz satışından gündə 3 milyon dollara yaxın gəlir əldə edir.
Milli.Az
Böyütmək üçün şəkillərə klikləyin.