Sentyabrın 18-də ABŞ-a səfər edən Ukrayna Prezidenti Pyotr Poroşenko Konqresin sessiyasında çıxış edib.ABŞ-da Ukrayna zəfəri
"Media forum" saytının məlumatına görə, o, Konqresi Ukraynaya NATO üzvü olmadan tərəfdaş statusu verilməsini xahiş edib. Ukrayna ordusu üçün silah-sursat verilməsini, bu ölkəyə yatırımlar üçün xüsusi investisiya fondu yaradılmasını istəyən prezident, həmçinin Rusiyaya sanksiyaları davam etdirməyə çağırıb.
Ukrayna Prezidenti həmin gün amerikalı həmkarı Barak Obama və vitse-prezident Co Baydenlə görüşüb. Sentyabrın 19-da Ukrayna Prezidentinin Feysbuk səhifəsində yayılan məlumata görə, Barak Obama Ukraynaya 1 milyard dollar ayrılacağına söz verib və qeyd edib ki, bu ölkəyə təhlükəsizlik məsələlərində yardım artırılacaq.
Pyotr Poroşenkonun səfəri zamanı Senatın xarici əlaqələr komitəsi Ukrayna, Moldova və Gürcüstana ABŞ-ın NATO üzvü olmayan əsas müttəfiqləri statusu verən qanun layihəsini qəbul edib. Layihə həmçinin Ukraynaya 350 milyon dollar ayrılmasını və silahlar verilməsini nəzərdə tutur.
Milli.Az
Böyütmək üçün şəkillərə klikləyin.