Meksika Odile qasırğasından yaxa qurtarmamış bu dəfə Polo qasırğası ilə üzləşib.Ötən gündən başlayaraq ölkənin cənub-qərb ərazisində şiddətli küləklər əsməyə başılayıb
Anspress-in məlumatına görə, ötən gündən başlayaraq ölkənin cənub-qərb ərazisində şiddətli küləklər əsməyə başılayıb. Meteoroloqlar külək sürətinin saatda 120 kilometrə çatdığını bildiriblər. Qasırğa, əsasən, Qerrero ştatı sahillərində təsirli olub. Sahildə dalğanın hündürlüyü 3 metrə qədər çatıb. Bir nəfərin dənizdə batdığı qeyd olunur.
Məlumata görə, qasırğa hazırda saatda 13 kilometr sürətlə ölkənin şimal-qərb istiqamətində irəliləyir. Vəziyyətlə əlaqədar təhlükəli bölgələrdən 5 minə yaxın turist təxliyə olunub.
Fransanın cənub hissəsində isə aramsız yağan yağışlar daşqınlara səbəb olub. Lasal rayonunda qəfildən gələn sel 5 nəfərin ölümü ilə nəticələnib. Sel qarşısına çıxan hər şeyi yuyub aparıb.
Serbiyada da oxşar vəziyyət yaşanıb. Sel sularının səbəb olduğu dramatik görüntülər həvəskar kameralarda əks olunub.
Milli.Az