Rusiya paytaxtı Moskvanın metropolitenində növbəti ağır qəzanın qarşısı alınıb.
Milli.Az LifeNews-a istinadən bildirir ki, iyulun 15-də Arbat-Pokrovskaya xəttindəki məşum qəzada 23 nəfər həlak olmuşdu.
Bu gün isə Serpuxov-Timiryazevskaya xəttində qatarlardan birində maşinist kabində yatıb və qatarı "Mendeleyevskaya" stansiyasında saxlamayıb.
Qatarların toqquşmasına elektron əyləc sistemi imkan verməyib.
Olay Moskva vaxtı ilə səhər 09.46-da baş verib.
12 illik staja malik maşinist yuxulu olduğundan qatar stansiyada dayanmayıb və tunelə 9 metr girəndən sonra dayanıb. Qatarın vaqonlarının qapıları açılmayıb.
Maşinist yuxudan ayılıb və qorxduğundan olay barədə dispetçerə xəbər verməyib.
Milli.Az