Dünya

İnanılması çətin: ölümü aldatdılar, qorxmadılar - FOTO

25 İyul 2014 13:34

0 Şərh Baxış: 2 462

#DÜNYADA #FOTOREPORTAJLAR #FOTOSESSİYA

Bu avtomobil qəzası unikal sayıla bilər. Yolda sürətlə hərəkət edərkən maşını sürücü saxlaya bilməyib və ağırtonnajlı yük avtomobili ilə toqquşub. Yük avtomobilindən düşən konteyner də minik avtomobilini əzib, sürücü ilə ön oturacaqdakı sərnişin konteynerin altında qalıblar.

Onların olduqları maşın əzilərək cəmi 60 sm hündürlükdəki dəmir yığınına çevrilmişdi. Lakin sürücü ilə qadın sağ qalıblar.

Milli.Az Xinhua-ya istinadən bildirir ki, unikal olay Çinin şərqindəki Şandun vilayətindəki Sindao şəhərində baş verib.

Xurd-xəşil olmuş maşında qalmış sürücü və onun xanımını xilas etmək üçün hadisə yerinə gəlmiş polislə yanğınsöndürənlər maşını doğrayaraq onları çıxarıblar.

Qadının bədənində göyərmələr və kəsiklər vardı. Şoka düşmüş qadında ağır xəsarət aşkarlanmayıb.

Sürücü isə ağır vəziyyətdə olsa da, onun travmaları ölümcül deyildi.

Yanğınsöndürmə xidmətinin mətbuat katibi Çi Tan deyib: "Bu əzilmiş maşında kiminsə sağ qaldığını düşünmürdük. Maşının üstünə düşmüş konteyneri qaldırmaq üçün 100 tonluq krandan istifadə etdik. Amma oradakı qadın və kişi sağ qalmışdılar. Heyrətamiz hadisədir".

Milli.Az

Böyütmək üçün şəkillərə klikləyin.