Burada köhnə gəmilər sökülür, parçalanır, metal tullantısı kimi bir yerə yığılır. Dəniz sahilindəki 8 kilometr uzunluğu olan ərazi dünyanın ən təhlükəli işlərindən birində çalışanların məkanıdır.
Milli.Az National Geographic-ə istinadən bildirir ki, Banqladeşdəki Çittaqonq gəmi parçalanması sahili (Chittagong Ship Breaking Yard) dünyada gəmilərin dağıdıldığı ən böyük məkandır. Burada hazırda 80 gəmi sökülməkdədir.
Banqladeşin polada olan ehtiyacının təxminən yarısının təmin edildiyi Çittaqonqda 200 min yerli sakin çalışır.
Gəmilər 25-30 il əvvəl istehsal olunduqlarından onlardan hələ uzun müddət istifadə oluna bilər. Lakin sığorta ödənişlərinin daimi artımı və təmir məsrəflərinin bahalaşması belə gəmilərdən istifadəni iqtisadi baxımdan əlverişsiz edir.
Banqladeşin ən müxtəlif yerlərindən gələn işçilər dəmir trosları gəmilərə bağlayaraq onları sahilə çəkir, sonra da asetilen yandırıcılardan istifadə edərək gəmiləri kəsir, parçalayır, tikələrə bölürlər.
Burada elə gün olmur ki, kimsə ölməsin, şikəst qalmasın.
Milli.Az