Moldovanın Dnestryanı ərazisində yerləşən separatçı rejim Rusiya rəhbərliyinə müraciət edərək müstəqil dövlət qismində tanınmasını xahiş edib.
Mili.Az Tiras-a istinadən bildirir ki, Dnestryanı bölgənin parlamentinin bu gün keçirilmiş iclasında müvafiq müraciət qəbul olunub.
Müraciətdə Dnestryanı bölgədə keçirilmiş referendumun nəticələrindən də bəhs olunur.
"Dnestryanı Moldav Respublikasında keçirilən referendumda müstəqilliyə səs verilməsi və sonradan Dnestryanı bölgənin Rusiyaya birləşdirilməsi ideyasının dəstəklənməsi ilə xalqımız siyasi statusunu müəyyənləşdirmək, habelə iqtisadi, sosial və mədəni inkişafını azad, kənardan müdaxilə olmadan reallaşdırmaqla bağlı danılmaz hüququnu həyata keçirib", - müraciətdə deyilir.
Müraciət Rusiya prezidenti Vladimir Putin, habelə Rusiyanın Dövlət Duması və Federasiya Şurasına ünvanlanıb.
Sənədin surətləri ATƏT və BMT-yə də göndərilib.
Milli.Az