Milli.Az BBC-yə istinadən bildirir ki, Suriya fəallarının "Syrian Observatory for Human Rights" qrupuna əsasən Əhrar əl-Şam, Cund əl-Əqsa və əl-Nusra Cəbhəsi şəhəri şənbə günü tutublar.
İdlib Suriyanın şimal-qərbində yerləşən eyni adlı əyalətin mərkəzidir.
O, 2013-cü ildə İD-nin tutduğu Raqqa şəhərindən sonra Suriya üsyançılarının nəzarətinə keçən ikinci vilayət paytaxtıdır.
100 min əhalisi olan şəhər uğrunda 4 gün ərzində şiddətli döyüşlər gedib, "Syrian Observatory for Human Rights" qrupu bildirir.
4 il əvvəl başlayan Suriya münaqişəsində 200 mindən artıq adam ölüb və 11 milyona yaxın insan didərgin düşüb.
Suriya ordusuna qarşı müxtəlif qüvvələr vuruşur. Onların arasında ən fəalı İslam Dövləti qruplaşmasıdır.
Milli.Az