İdman

Rusiya - 3-cü “bədbəxt”

24 İyun 2017 23:26

0 Şərh Baxış: 2 010

#FUTBOL

Konfederasiyalar Kuboku - 2017-də A qrupunda mübarizə başa çatıb.

Milli.Az apasport.az-a istinadən xəbər verir ki, Portuqaliya və Meksika müvafiq olaraq 1 və 2-ci yerləri tutaraq yarımfinala yüksəliblər.

Meydan sahibi Rusiya isə gözlənilənin əksinə olaraq qrupda qalıb. Şimal qonşularımızın gücü sadəcə Yeni Zelandiyaya çatıb - 2:0. Çerçesovun komandası Portuqaliya və Meksikadan isə zəif olub.

Maraqlıdır ki, Rusiya öz meydanında keçirilən KK-da qrupda qalan 3-cü komandadır. İlk dəfə 1997-ci ildə Səudiyyə Ərəbistanı doğma meydanda keçirilən yarışın sonrakı mərhələsini kənardan azarkeş kimi izləməli olmuşdu.

2001-ci ildə Cənubi Koreya da qruplarda dayanmağa məcbur olmuşdu.

Qeyd edək ki, B qrupundan yarımfinala kimlərin çıxacağı sabah bəlli olacaq.

Milli.Az

Digər maraqlı xəbərlər Milli.Az-ın Facebook səhifəsində