İdman

"İlk matçın evdə olması bizim üçün üstünlükdür" - Ayxan Abbasov

19 İyun 2017 19:06
0 Şərh     Baxış: 519

"Differdanj" ölkəsinin ən güclü 2 klubundan biridir".

Milli.Az apasport.az-a istinadən xəbər verir ki, bu sözləri "Zirə"nin baş məşqçisi Ayxan Abbasov deyib.

İlk dəfə Avropa Liqasında iştirak edəcək paytaxt təmsilçisi I təsnifat mərhələsində Lüksemburqun "Differdanj" klubu ilə üz-üzə gələcək.
 
"Zirə"nin çalışdırıcısı Abbasov klubun Facebook səhifəsinə açıqlamasında püşkü dəyərləndirib: "Turnir cədvəlinə baxdım, komanda çempionla eyni xalı toplayıb və yalnız top fərqinə görə ilk sıranı əldən verib. Bundan sonra rəqib haqda daha da geniş məlumat toplamağa çalışacağıq. Oyuna ciddi hazırlaşacağıq. İlk matçın evdə olması bizim üçün üstünlükdür. Bakıya döndükdən sonra həm hazırlaşmaq, həm də rəqibi analiz etmək üçün vaxtımız olacaq. Avropa Liqasında debüt edəcəyik, təcrübəmiz azdı. Çətin olacağını bilirik. Çalışacağıq ki, qarşıdakı iki görüşdə yaxşı oynayıb turu keçək".

Milli.Az

Digər maraqlı xəbərlər Milli.Az-ın Facebook səhifəsində

DİGƏR XƏBƏRLƏR

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.