İdman

PSJ bu qapıçıya 100 milyon ödəməyə hazırdı

17 İyun 2017 20:00

0 Şərh Baxış: 1 113

#FUTBOL

PSJ Yan Oblakı heyətinə cəlb etmək istəyir.

Milli.Az apasport.az-a istinadən xəbər verir ki, parislilər bunun üçün istənilən məbləği ödəməyə hazırdı.

Bu barədə iddia ilə məşhur "goal.com" nəşri məlumat yayıb. Bildirilib ki, paytaxt təmsilçisi sloveniyalı "çərçivə qoruyucusu" üçün müqavilədə göstərilən sərbəst qalma maddəsinə əməl etməyə də razıdı. Bunun qarşılığı isə 100 milyon avrodur.

Ancaq "Atletiko" da qapıçısını əldən verməməyə çalışır. Belə ki, FİFA-nın sanksiyası səbəbi ilə qışa qədər oyunçu transfer edə bilməyəcək madridlilər əsas "qolkiper"i komandadan göndərmək istəmirlər.

Qeyd edək ki, ötən mövsüm "Atletiko" ilə 30 oyunda meydana çıxan Oblak 21 qol buraxıb. Onun "hindular"la mövcud müqaviləsi 2020/21 mövsümündə başa çatacaq.

Milli.Az

Digər maraqlı xəbərlər Milli.Az-ın Facebook səhifəsində