İdman

“Qəbələ” ikinci sınağında "Axmat"a məğlub oldu

15 İyun 2017 21:52
1 Şərh     Baxış: 576

Avstriyada hazırlıqlarını davam etdirən "Qəbələ" bu gün ikinci yoxlama matçına çıxıb.

Milli.Az apasport.az-a istinadən xəbər verir ki,Tirol bölgəsində, İnsbruk şəhəri yaxınlığındakı Fulpmes qəsəbəsində hazırlıq keçən baş məşqçi Roman Qriqorçuk yetirmələrini ikinci dəfə sınamaq imkanı əldə edib.

Avropa Liqasında ölkəmizi təmsil edəcək "qırmızı-qaralar" Rusiyanın Premyer Liqa təmsilçisi "Axmat"la qarşılaşıb.

DÇ-2018-in seçmə mərhələsində Şimali İrlandiya ilə qarşılaşan əsas yığmanın düşərgəsində olan futbolçular - Cavid Hüseynov, Ruslan Qurbanov, Araz Abdullayev, Ürfan Abbasov və yeni transfer Elvin Məmmədov komandaya bu gün qoşulublar.

İlk matçında yerli "Fulpmes"i 8:0 hesabı ilə darmadağın edən "Qəbələ" ikinci oyununda nisbətən güclü komanda ilə qarşılaşıb. Görüş Rusiya təmsilçisinin 1:0 hesablı qələbəsi ilə yekunlaşıb.

Premyer Liqada son mövsümü 5-ci pillədə başa vuran komanda əvvəlcə "Terek" adlanıb. Lakin yaxın günlərdə adı dəyişdirilən klub Çeçenistanın keçmiş prezidenti Axmat Kadırovun şərəfinə "Axmat" adlandırılıb.

Qeyd edək ki, iyunun 23-dək Avstriyada hazırlıq keçəcək "Qəbələ" daha 2 yoxlama görüşündə qüvvəsini sınayacaq. "Qırmızı-qaralar" ayın 19-da "Botev" (Bolqarıstan), 22-də isə "Ludoqorets"lə (Bolqarıstan) qarşılaşacaq.

Yoxlama oyunu

15 iyun

"Qəbələ" - "Axmat" - 0:1

Avstriya, İnsbruk

"Qəbələ": Dmitri Bezotosnı, Vojislav Stankoviç, Rasim Ramaldanov, Vitali Vernidub, İlqar Qurbanov, Elvin Camalov, Qismət Alıyev, Ülvi İbazadə, Asif Məmmədov, Filip Ozobiç, Baqali Dabo

Milli.Az

Digər maraqlı xəbərlər Milli.Az-ın Facebook səhifəsində

DİGƏR XƏBƏRLƏR

Şərh yaz:

1 Şərh:

  • Anonim
    murad · 15 İyun 21:5710

    QEBELE OZUNDE DEYILSEN

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.