İspaniyanın Ali Məhkəməsi "Barselona"nın ulduz futbolçusu Lionel Messinin 21 ay müddətinə azadlıqdan məhrum edilmə cəzasını təsdiqləyib.
Milli.Az goal.az-a istinadən xəbər verir ki, argentinalı futbolçunun 3 il ərzində imic hüquqlarından əldə etdiyi vəsaiti vergi orqanlarından gizlətməsi sübuta yetirilib. Messi və atası 2007, 2008 və 2009-cu illərdə 4.1 milyon avro vergidən yayınmaqda şübhəli bilinərək 2016-cı ilin iyununda məhkəmə qarşısına çıxarılmışdı. Argentinalı ulduza verilən bu cəza onun həbsxanada olmasını şərtləndirmir. İspaniya qanunlarına görə 2 ildən az müddətə təyin edilən azadlıqdan məhrumetmə cəzası şərti xarakter daşıya bilər.
Milli.Az