İdman

Avropa Liqasında yarımfinal mərhələsi 5 qolla başladı - VİDEO

3 May 2017 22:49
0 Şərh     Baxış: 1 514
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bu gün Avropa Liqasında (AL) yarımfinal mərhələsinə start verilib. Milli.Az apasport.az-a istinadən xəbər verir ki, "Ayaks" turnirin favoritlərindən sayılan "Lion"u qəbul edib.

Hollandiya təmsilçisi "Selta", "Standard" və "Panatinaikos"la birgə yer aldığı G qrupunda 14 xalla birinci yeri tutaraq, növbəti mərhələyə adlamışdı. 1/16 finalda Polşanın "Legiya" klubunu (0:0, 1:0), 1/8 finalda isə Danimarka təmsilçisi "Kopenhagen"i (1:2, 2:0) mübarizədən kənarlaşdıran "Ayaks" 1/4 finalda iki oyunun nəticəsinə görə (4:3) "Şalke"dən üstün olub.
 
"Lion" isə Çempionlar Liqası ilə vidalaşdıqdan sonra mübarizəni Avropa Liqasında davam etdirməli olmuşdu. Turnirin 1/16 final mərhələsində "Alkmaar"ı (4:1, 7:1), 1/8 finalda isə iki oyunun nəticəsinə görə (5:4) "Roma"nı üstələyən "uşaqlar" 1/4 finalda "Beşiktaş"la qarşılaşmalı olublar. İlk görüşdə "qara qartal"a 2:1 hesabı ilə qalib gələn Fransa təmsilçisi cavab görüşünün əsas vaxtında 1:2 hesabı ilə uduzub. Ümumi hesab bərabər olduğundan, qalibi müəyyənləşdirmək üçün əvvəlcə əlavə vaxta, sonra isə penaltilər seriyasına ehtiyac duyulub. Penaltilərdə 7:6 hesablı qalibiyyət "Lion"u yarımfinala daşıyıb.
 
İki komanda arasındakı ilk oyun isə gözlənilənlərin əksinə böyük hesabla başa çatıb. Gənc oyunçulardan ibarət heyəti ilə fırtına kimi əsən meydan sahibləri fransızları da boynubükük yola salıb. Amsterdam təmsilçisi "Lion"un qapısından 4 qol keçirib. Rəqibin isə gücü sadəcə təsəlli qoluna çatıb ki, bu səfər qolu sayəsində "Lion"un cüzi də olsa şansı qalıb.
 
Avropa Liqası
Yarımfinal mərhələsi, ilk oyunlar
3 may
"Ayaks" (Hollandiya) - "Lion" (Fransa) - 4:1
Qollar: Traore, 25, 71, Dolberq, 34, Yunes, 49 - Valbuena, 66

Milli.Az

Videonu izləmək üçün şəklə klikləyin:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.