İdman

Bakıda zədələnən futbolçu sağalmır

21 Aprel 2017 12:44
1 Şərh     Baxış: 323

Dortmund "Borussiya"sının yarımmüdafiəçisi Andre Şürrle uzun müddətdi komandadan ayrı qalıb.

Milli.Az apasport.az-a istinadən xəbər verir ki, ulduz futbolçunun zədəsi sağalmaq bilmir.

DÇ-2018-in seçmə mərhələsi çərçivəsində martın 26-da Bakıda keçirilən Azərbaycan - Almaniya qarşılaşmasının qəhrəmanı olan 26 yaşlı oyunçu ilə bağlı klubundan yeni açıqlama verilib. Məhz həmin görüşdə topuğundan xəsarət aldığı bildirilən Şürrle o vaxtdan bəri "Borussiya"nın heyətində meydana çıxa bilməyib. Klubun həkimləri onun hələ bir müddət də məşqlərdən kənarda qalacağını vurğulayıblar.

"Borussiya"nın baş məşqçisi Tomas Tuhel futbolçunun ağrılarının davam etdiyini deyib: "Təəssüf ki, Şürrle kollektivə bir az gec qoşulacaq. Çünki ayaq sümüyü hələ də ağrıyır".

Almaniya KİV-i milli komandanın üzvünün cari mövsümdə meydana çıxmamaq ehtimalının olduğunu da əlavə edib.

Qeyd edək ki, Tofiq Bəhramov adına Respublika Stadionunda keçirilən Azərbaycan - Almaniya matçında Andre Şürrle 2 qol və 1 məhsuldar ötürmə ilə yadda qalmışdı. Bundestimin 4:1 hesabı ilə qalib gəldiyi oyunu futbolçu əvəz edilmədən keçirmişdi.

Milli.Az

Digər maraqlı xəbərlər Milli.Az-ın Facebook səhifəsində

DİGƏR XƏBƏRLƏR

Şərh yaz:

1 Şərh:

  • Anonim
    SİRVANSKİ · 21 Aprel 12:5600

    OLACAQDA GOR KİMLERLE OYNUYULLAR

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.