"Barselona"nın müdafiəçisi Jerar Pike komandasının Çempionlar Liqasının 1/4 finalında "Yuventus" səddini keçə bilməməsindən danışıb.
Milli.Az goal.az-a istinadən xəbər verir ki, katalon futbolçu qarşıdakı "El Clasico"ya da toxunub.
"Onlar əla komanda qurublar. Hər iki oyunun nəticəsinə əsasən bizdən daha yaxşı təsir bağışladılar. Yarımfinala çıxmağa "Yuventus" layiq idi. Onlar çempion ola bilərlər. Rəqib italyan klubu olduğundan müdafiəni necə qurmaq lazımdır bilir. Turnirdə mübarizədən kənarda qalmaqla barışmaq çətindir. "Real"la oyun? "Santiago Bernabeu"ya döyüşüb qalib gəlmək üçün gedəcəyik. Son illər orda yaxşı oynayırıq. Ən yaxşı formada olmasaq belə, qalib gələ bilərik".
Milli.Az