Fransanın Lion şəhərində yerli "Lion"la Türkiyənin "Beşiktaş" klubları arasında Avropa Liqası çərçivəsində oynanmış matçda baş verənlər vandalizm, xuliqanlıq yox, vəhşilikdir.
Milli.Az European-a istinadən bildirir ki, matç başlamazdan əvvəl tribunaya soxulan "Lion" fanatları türk azarkeşlərə əvvəlcə plastik butulkalar, xırda pullar atıblar, sonra isə flayerlərə və tüstü şaşkalarına keçiblər.
Bununla da sakitləşməyən "Lion" fanatları türk azarkeşlərə hücum ediblər.
Həmin olay zamanı çəkilmiş fotolardan, sadəcə, biri... Lionlu fanat əlindəki dəmir əsa ilə "Beşiktaş"ın matçına baxmaq üçün valideynləri ilə stadiona gəlmiş türk qızı vurmağa hazırlaşır.
Bunu balaca qızın anası görür və övladını qucaqlayaraq vücudu ilə onu qoruyur.
Əsa qadına, anaya dəyir.
Sadəcə, bir məqam.
UEFA bu vəhşiliyi də görməyəcək və anlamayacaq ki, matçın 46 dəqiqə sonra başlamasının əsas səbəbkarlarından biri "Bizim üçün oynayın!" hayqıran ermənilərdi?
Yoxsa bu da "xırda xuliqanlıq"dır?
Milli.Az