İdman

Ermənini nokauta salan Xəyal Almaniyada rinqə çıxacaq

25 Mart 2017 14:50

0 Şərh Baxış: 1 639

#KİKBOKSİNQ

Bu gün Almaniyanın Bohum şəhərində MMA - qarışıq döyüş növləri və K1 versiyaları üzrə böyük beynəlxalq Kikboksinq turniri start götürəcək.

"Qala turnir və böyük oyun" kimi tanınan bu yarışmaya dünyanın müxtəlif ölkələrindən yüksək səviyyəli (Mix-Fight) kikboksçular qatılacaq.

Milli.Az goal.az-a istinadən xəbər verir ki, 60-a yaxın idmançının iştirak edəcəyi Böyük Oyunda Azərbaycanı peşəkar kikboksçumuz, müxtəlif beynəlxalq turnirlərin qalibi Xəyal Əhmədov təmsil edəcək.

X.Əhmədov bundan əvvəl də Almaniyada keçirilmiş beynəlxalq qarşılaşmalarda Azərbaycanı uğurla təmsil edib və keçirdiyi bütün döyüşlərdə qələbə qazanıb. Ötən il Almaniyanın Vuppertal şəhərində A1WCC versiyası üzrə keçirilmiş turnirdə X.Əhmədov erməni rəqibini nokauta salaraq parlaq qələbə qazanmışdı.

Turnir Bohum şəhərinin ən böyük arenasında - "RuhrCongress"də təşkil olunacaq.

Qeyd edək ki, X.Əhmədov bir neçə gündür ki, Almaniyadadır.

Milli.Az

Digər maraqlı xəbərlər Milli.Az-ın Facebook səhifəsində