İdman

Dünya kubokunda gimnastika atı üzərində hərəkətlər üzrə yarışlarda finalçılar məlum oldu

17 Mart 2017 19:11
Baxış: 272

Bakıda davam edən idman gimnastikası üzrə Dünya kubokunda gimnastika atı üzərində hərəkətlər üzrə yarışlarda təsnifat mərhələsi başa çatıb.

Milli.Az Trend-ə istinadən bildirir ki, finala macarıstanlı Kristian Berki və Zoltan Kalai, xorvatiyalı Filip Ude və Robert Seliqman, çinli Hao Venq, fransalı Siril Tomazon, iranlı Səidrza Keyha və qazaxıstanlı Dövlət Narmetov vəsiqə qazanıb.

Azərbaycanlı gimnastlar Bense Talas və Murad Ağarzayev müvafiq olaraq 12-ci və 27-ci yer tutaraq finala çıxa bilməyib.

Qeyd edək ki, Bakıda Milli Gimnastika Arenasında kişi və qadın idman gimnastikası üzrə FIG Dünya Kuboku mərhələsi martın 19-dək davam edəcək. Artıq ikinci ildir ki, paytaxtımızın ev sahibliyi etdiyi bu turnirdə 23 ölkədən idmançılar çıxış edir.

Turnirin ilk iki günü təsnifat mərhələləri, son iki günü isə ayrı-ayrı alətlər üzrə finallar baş tutacaq. Yeni Olimpiya dövrünün 2017-ci ildən qüvvəyə minən yeni qaydaları əsasında kişi gimnastlar 6, qadın gimnastlar isə 4 dəst medal uğrunda mübarizə aparırlar.

Məşhur kişi idmançılar arasında Olimpiya çempionları Elefterios Petrunias (Yunanıstan), Kristian Berki (Macarıstan), Olimpiya Oyunlarının gümüş mükafatçısı Filip Ude (Xorvatiya) və Avropa çempionu Aleksandr Şatilov (İsrail) çıxış edirlər.

Qadın idmançılar arasında isə 3 qat Olimpiya çempionu Katalina Ponor (Rumıniya) və Olimpiya Oyunlarının qızıl medalçısı Oksana Çusovitina (hazırda Özbəkistanı təmsil edir) kimi məşhur gimnastlar yer alırlar.

Ölkəmizi kişi idman gimnastikası üzrə yarışlarda Murad Ağarzayev, Bense Talas, qadın idman gimnastlarının turnirində isə Yuliya İnşina, Marina Nekrasova, Mariya Smirnova və Yekaterina Tişkova təmsil edirlər.

Milli.Az

DİGƏR XƏBƏRLƏR

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.