"Juventus"un baş məşqçisi Massimiliano Alleqri "Empoli" üzərində qazanılan qələbədən sonra medianın suallarını cavablandırıb. Goal.az xəbər verir ki, italiyalı mütəxəssis həmyerlisi Bonuççi ilə konflikti barədə məsələ barədə bunları deyib:
"Elə şeylər var ki, baş məşqçi görməzlikdən gəlməlidir. Amma elə hallar var ki, reaksiya göstərmək lazımdr. Ən əsası soyuqqanlı olmaq və düzgün qərar qəbul etməkdir. Emosiyalara yer verilsə, səhvlər meydana çıxacaq. Bonuççi "Empoli" ilə görüşdə yaxşı oynadı. Məsələ bağlandı. Mövsümün gedişində müzakirə və mübahisələr baş verir. Təəssüf ki, hər kəs bizim konfliktimizi gördü. Bu, paltardəyişmə otağında baş versəydi, hər şey başqa cür olardı".
Milli.Az