Kriştianu Ronaldu 2003-cü ildə "Manchester United"ə transfer olunmazdan öncə "Barcelona" da daxil olmaqla, bir sıra klubların maraq dairəsində durub. Ulduz futbolçunun "Sporting"dən "Juventus"a transferi də baş tuta bilərmiş. Goal.az xəbər verir ki, buna Marselo Salasın Turin klubunda qalmaq istəməsi səbəb olub. Bunu "qoca senyora"nın sabiq idman direktoru Canni Di Marzio açıqlayıb.
"Ronaldu 18 yaşında "Juventus"un gündəminə gəldi. Klub rəhbərliyinə dedim ki, bu oğlan Maradonadan sonra dünyanın ən yaxşısı olacaq. 2002-ci ildə onu Turinə gətirmək üçün fəaliyyətə başladım. Amma Salas getmək istəmədi. Yoxsa Ronaldu bir neçə milyon avro qarşılığında "Juventus"a keçəcəkdi", - Di Marzio deyib.
Milli.Az