İdman

Fatih Terim Azərbaycan yığmasının üzvünü istəyir

12 Yanvar 2017 14:23
0 Şərh     Baxış: 1 496

Azərbaycanın 21 yaşlılardan ibarət millisinə çağırılan Hollandiyanın "Feyenoord" klubunda çıxış edən Ozan Can Kökcü Türkiyə yığmasının baş məşqçisi Fatih Terimin də "ay ulduzlu" komandaya namizədlərindəndir.

Milli.Az qafqazinfo-ya istinadən xəbər verir ki, təcrübəli mütəxəssis Ozan Can və onun qardaşı Orkunu da komandaya çağırmaq fikrindədir.

Onları Terimə Emre Moru yığmaya gətirən Türkiyə Futbol Məşqçiləri Dərnəyinin (TÜFAD) rəhbəri Abdulkadir Bakırdövən məsləhət görüb. Bundan başqa Hollandiya Futbol Federasiyası da adıçəkilən futbolçuları izləyir.

Bildirək ki, millimizin baş məşqçisi Robert Prosineçki Ozan Can Kökcünü izləmək üçün Antalyaya gedib.

Futbolçuların atası Halis Kökcü isə bunları deyib: "Oğlanlarım Türkiyə millisində oynamaq istəyir. Tək arzuları "ay ulduzlu" formanı geyinməkdir. Avropada oynayan türklərin hamısı bu arzu ilə yaşayır. İnanıram ki, xeyirlisi olacaq".

Milli.Az

Digər maraqlı xəbərlər Milli.Az-ın Facebook səhifəsində

DİGƏR XƏBƏRLƏR

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.