"Biz təzə komandayıq. Mübarizəyə I divizionda başlamışıq".
Milli.Az apasport.az-a istinadən xəbər verir ki, bu sözlər "Səbail"in baş məşqçisi Elman Sultanova məxsusdu.
I Divizion təmsilçisi Azərbaycan kubokunun 1/8 final mərhələsi çərçivəsində bu gün "Qarabağ"ın qonağı olub və darmadağına məruz qalıb - 0:5. Bununla da aşağı dəstə təmsilçisi mübarizəni dayandırıb.
Görüşdən sonra keçirilən mətbuat konfransında Sultanov fikrini bu sözlərlə davam etdirib: "Bu, bizim üçün yeni yoldu. "Qarabağ" hazırda Azərbaycan futbolunda liderdi. 0:5 hesabı ilə məğlub olsaq da, həyat davam edir. Futbolda hər şey olur".
- Bu oyun həm də Premyer Liqa ilə I divizion arasındakı fərqi göstərmədi?
- Bəli, çox fərq var. Məsələn, bu gün AZAL I divizion təmsilçilərindən çox fərqlənmir. I divizionda "Zaqatala" kimi yaxşı komanda var. Həmçinin "Turan Tovuz" da güclüdü.
- Hesabın belə böyük olacağını gözləyirdiz?
- Xeyr, gözləmirdim.
Milli.Az