İdman

I Divizionun ən yaxşı qolu müəyyənləşdi - VİDEO

28 Oktyabr 2016 16:05

0 Şərh Baxış: 712

#İDMAN #AZƏRBAYCAN FUTBOLU #FUTBOL

Peşəkar Futbol Liqası Topaz Premyer Liqası ilə yanaşı, I Divizion yarışlarını da daim diqqətdə saxlayır.

Milli.Az goal.az-a istinadən xəbər verir ki, PFL artıq I Divizionda ayın ən yaxşı qolunu müəyyənləşdirir.

I Divizionda vurulan ən yaxşı qolu (5 qol arasından) azarkeşlər, idman jurnalistləri və Peşəkar Futbol Liqası səsvermə yolu ilə seçib. Ay ərzində vurulan ən yaxşı 5 qolun videosu Peşəkar Futbol Liqasının rəsmi saytında yerləşdirilib. Azarkeşlər sayta daxil olub, ən yaxşı qolu müəyyənləşdirmək imkanına malik olublar.

PFL-in rəsmi saytında azarkeşlər arasında keçirilən sorğunda ən çox səsi Qeyrət Qənbərov toplayıb (68 faiz).

Lakin jurnalistlər arasında sorğuda qalib "Şərurspor"dan Fərmayıl Əliyev seçilib.

Belədə yekun nəticəni PFL-in əməkdaşları müəyyənləşdiriblər. Nəticədə ayın ən yaxşı qolunun müəllifi "Şəmkir"dən Qeyrət Qənbərov olub.

Bu gün keçiriləcək "Şəmkir" - MOİK oyunundan öncə Qənbərov mükafatlandırılacaq. Ona mükafatı PFL-in İnformasiya və İctimaiyyətlə Əlaqələr Departamentinin rəhbəri Aslan Şahgəldiyev və Texniki-İdman şöbəsinin rəisi Zamiq Hüseynov təqdim edəcəklər. Bu məqsədlə adıçəkilən hər iki şəxs Şəmkirə yollanıb.

Qeyd edək ki, ayın ən yaxşı qolu nominasiyasında digər namizədlər MOİK-dən Orxan Həsənov, "Şərurspor"dan Mehman Məmmədov və "Şahdağ"dan Habil Nurəhmədov idi.

Milli.Az

Videonu izləmək üçün şəklə klikləyin: