17:37
Avropa Liqasının ötən gün keçirilən 3-cü turunun ən yaxşı oyunçusu adına "Qarabağ"ın ispan oyunçusu Dani Kintana laiq görülüb.
Bu göstərici ilə UEFA-nın rəsmi saytında avropalı futbol həvəskarlarının seçimi nəticəsində 69% səs çoxluğuyla Dani dünyanın və "Maçester Yunayted"in ulduz futbolçusu Poqbanı qabaqlayaraq bu nailiyyəti əldə edib.
----------
13:09
Ötən axşam Avropa Liqasının qrup mərhələsi çərçivəsində 2:0 hesabı ilə PAOK-a qalib gələn "Qarabağ" daha bir uğura yaxındır.
Milli.Az xəbər verir ki, "Qarabağ"ın dünənki qarşılaşmada meydanda ən yaxşısı olan - iki qoldan birinin müəllifi Dani Kintana UEFA-nın azarkeşlər arasında həftənin ən yaxşı oyunçusu adına sorğusunda əsas namizəddir.
Bu dəqiqəyə qədər olan səsvermənin nəticəsinə görə, Dani Kintana səslərin 70%-ni toplamaqla birinci yerdə qərarlaşıb. Ən yaxın izləyicisi "Manchester United"in ulduz futbolçusu Pol Poqbadır. O, səslərin 8%-ni toplamağı bacarıb.
Səs vermək üçün http://mvp.uefa.com/en/uefaeuropaleague/results linkinə daxil olub, UEFA-da hesabınız yoxdursa, sol tərəfdəki digər sosial şəbəkələrlə bağ vasitəsilə Danini birinci edə, həmçinin səs verdikdən sonra sosial şəbəkələrdə paylaşa bilərsiniz.
Səsvermənin sonuna 3 saat 45 dəqiqə qalıb.
Səs verin, Dani birinci olsun!
Təhməz Təkin
Milli.Az