"Feyenoord"un şərəfini qoruyan Dirk Kuyt "Fənərbağça" ilə oyundan sonra maraqlı açıqlamaları ilə yadda qalıb.
Milli.Az goal.az-a istinadən xəbər verir ki, 35 yaşlı futbolçu ona göstərilən münasibətdən məmnun qaldığını söyləyib: "Burada rəqib olmaq olduqca qəribədir. Yenidən bura qayıtmaq gözəl idi, amma uduzduğumuz üçün üzgünəm. Burada bu cür qarşılanmaq çox gözəl idi. Özümü evdəki kimi hiss edirdim. Buna görə hamıya təşəkkür edirəm. Qarşılaşmaya gəlincə, "Fənərbağça" aqressiv başladı, ümumiyyətlə, ilk hissəda yaxşı oynadılar. Biz yalnız 30-cu dəqiqədən sonra özümüzə gəldik, epizodlar yaratdıq, amma olmadı. Biz gənc komandayıq. Avropada təcrübəmiz çox deyil. İnkişaf etməyə davam edəcəyik".
Qeyd edək ki, "Fənərbağça" "Feyenoord"u 1:0 hesabı ilə məğlub edib.
Milli.Az