İngiltərənin futbol üzrə yığma komandasının baş məşqçisi Sem Ellardays tutduğu postunu tərk edib.
Milli.Az The Guardian-a istinadən bildirir ki, 61 yaşlı Ellardaysın istefasını İngiltərə Futbol Assosiasiyası qəbul edib.
Sem Ellardays jurnalist araşdırmasının qurbanıdır. The Telegraph qəzetii xüsusi təhqiqat aparıb və bu zaman qəzetin iki jurnalisti özlərini məşqçiyə Asiyadan olan iş adamları kimi təqdim etmişdilər.
Bu "biznesmen"lərlə iki görüş zamanı Ellardays onlara İngiltərədəki futbol klublarının transfer anlaşmalarından gəlir əldə etməkdə yardım göstərməyə boyun olub, əvəzində 400 min funt-sterlinq istəmişdi.
S.Ellardays İngiltərə Futbol Assosiasiyasının qaydalarından yan keçməyin yollarından da danışıb.
İngiltərə Futbol Assosiasiyası S.Ellardaysı faktiki olaraq qovub. Yaxın 4 matçda İngiltərə yığmasının baş məşqçisi səlahiyyətlərini Qaret Sautqeyt icra edəcək.
Milli.Az