Məşhur tennisçi Serena Uilyams məşqçisi Patrik Muratoqlounun Fransanın Nice şəhərində açdığı idman akademiyasının açılışına qatılıb.
Milli.Az goal.az-a istinadən xəbər verir ki, jurnalistlərin suallarını cavablandıran Serena övladları olacağı təqdirdə onların tennislə məşğul olmaqlarını istəmədiyini bildirib. 35 yaşlı idmançı gələcəkdə uşaqlarının tennisci ananın övladları kimi tanınmaqlarını istəmədiyini deyib. O, onların öz istədikləri yolla getməklərini və belə uğur qazanmaqlarını daha məqsədə uyğun bilir.
Karyerasında 309 matçda qələbə qazanan, 22 dəfə çempion olan Uilyams adının ikinci pilləyə düşməsinə də münasibət bildirib. Rio-2016-nın yarımfinalında mübarizənı dayandıran idmançı səhhəti ilə bağlı problemi olduğunu açıqlayıb.
Milli.Az