"Roma"nın futbolçusu Françesko Tottinin bu gün yubileyidir.
Milli.Az qol.az-a istinadən xəbər verir ki, İtaliya millisinin sabiq hücumçusunun 40 yaşı tamam olur.
F.Totti 1976-cı il sentyabrın 27-də Romada doğulub.
Onun peşəkar futbol karyerası 1991-ci ildən başlayıb. 1993-cü ildə "Roma"nın əsas komandasında debüt edib. O vaxtdan da indiyə kimi klub səviyyəsində ancaq bu komandada oynayıb.
Totti "Roma"da 763 oyuna 306 qol burub.
O, 1998-2006-cı illərdə İtaliya millisinin əsas komandasında çıxış edib (58 oyun, 9 qol).
O, 40 yaşında olmasına baxmayaraq, hazırda da "Roma"da çıxış edir və bu mövsüm A seriyasında qol da vura bilib.
F.Tottini ad günü münasibəti ilə Lionel Messi, Fernando Torres və bir çox məşhur futbolçular təbrik ediblər.
Milli.Az