"Çelsi" Premyer Liqanın 6-cı turunda "Arsenal"a 0:3 hesabı ilə uduzub.
Goal.az xəbər verir ki, matçdan sonra "zadəganlar"ın baş məşqçisi Antonio Konte bunları deyib:
"Fikrimcə, matçın ilk dəqiqələrindən lazımi motivasiya ilə oynamadıq. Bu məğlubiyyətdən sonra üzərimizdə çox işləməliyik. Çünki yalnız kağız üzərində əla komandayıq. Komandanın səhvləri individual səhvlərdən həmişə öndədir.
Qurulan mexanizm işləməyəndə bir futbolçunun gedişatı dəyişməsi çox çətindir. Biz kollektiv halında qalib gəlir və uduzuruq. Meydanda və kağız üzərində güclü komanda olmaq üçün çox şeyi düzəltmək lazımdır. Düzgün balans tapılmalıdır. 3 qol buraxmağımız inanılmazdır. Ötən mövsümü göz önünə gətirib eyni səhvləri etməmək tələb olunur".
Milli.Az