"Real Madrid" İspaniya La Liqasının 6-cı turunda növbəti xal itkisi ilə üzləşib. "Kral klubu" səfərdə "Las Palmas"a qalib gələ bilməyib - 2:2. Goal.az xəbər verir ki, madridlilərin gənc hücumçusu Alvaro Morata matçdan sonra bunları deyib:
"Bu oyunu qalib başa vurmaq lazımdı. Amma məqsədimizə çata bilmədik. Hələ ki çempionatda məğlub olmamışıq. Ona görə dramatizmə ehtiyac yoxdur. Qarşıda uzun mövsüm var. İndisə Çempionlar Liqası oyununa hazırlaşmaq lazımdır. Əlbəttə, qazanılan nəticəyə görə evə məyus halda gedəcəyik. La Liqa çempionu olmaq üçün hər görüşdə qalib gəlmək tələb olunur. Benzema? Birlikdə oynaya bilərik".
Milli.Az