Ukrayna millisinin baş məşqçisi Andrey Şevçenko futbolçu kimi uzun illər şərəfini qoruduğu "Milan"ın hazırki durumuna fikir bildirib.
Milli.Az goal.az-a istinadən xəbər verir ki, gənc mütəxəssis bunları deyib:
"Əvvəllər "Milan" oyunçularının üzərinə böyük məsuliyyət düşürdü. Artıq belə deyil. Bakkanın performansı xoşuma gəlir. Ötən mövsüm də onun oyununa yüksək qiymət verirdim. O, rəqibin cərimə meydançasında yaxşı oynayır və qol duyumuna malikdir. Belə hücumçusu olduğuna görə "Milan"ın bəxti gətirib. Klubun yeni sahibləri barədə heç nə düşünmürəm. Uğurlu futbol tərzinin simvolu kimi Berluskoni uzun illər "Milan"ın ürəyi idi. Növbəti mövsümlərdə nəyin baş verəcəyi mənə maraqlıdır".
Milli.Az