Fransada keçirilən Avropa çempionatında 1/4 final mərhələsinin daha bir matçının hakimləri müəyyənləşib.
Milli.Az apasport.az-a istinadən bildirir ki, UEFA iyulun 1-də baş tutacaq Uels - Belçika qarşılaşmasının təyinatlarını açıqlayıb.
Görüş sloveniyalı hakimlər briqadasına həvalə edilib. Bu ölkənin nümayəndəsi Damir Skomina oyunda ədalət təmsilçisi funksiyasını yerinə yetirəcək. Təcrübəli italiyalı Nikola Ritsoli isə 4-cü hakim qismində iş başında olacaq.
Avropa çempionatı - 2016
1/4 final mərhələsi
1 iyul
23:00. Uels - Belçika
Baş hakim: Damir Skomina
Yan xətt hakimləri: Yure Praprotnik, Robert Vukan
Əlavə köməkçi hakimlər: Matey Yuq, Slavko Vinçiç (hamısı Sloveniya)
Dördüncü hakim: Nikola Ritsoli (İtaliya)
Ehtiyat yan xətt hakimi: Elenito di Liberatore (İtaliya)
Hakim-inspektor: Mark Batta (Fransa)
UEFA nümayəndəsi: Adonis Prokopyu (Kipr)
Lill. "Pyerr Morua" stadionu
Milli.Az