Portuqaliya yığmasının yarımmüdafiəçisi komanda yoldaşı Kriştianu Ronaldunun turnirdəki çıxışını dəyərləndirib.
Goal.az xəbər verir ki, Nani komanda yoldaşı haqqında müsbət fikirlər səsləndirib: "Ronaldunun bacarığı və istənilən anda matçın taleyini dəyişə biləcəyi hamıya məlumdur. Onun bu tempdə oynamağa davam edəcəyinə və daha çox qol vuracağına tam əminəm. Heç kim Kriştianunu tənqid edə bilməz. Ronaldu fantastik futbolçudur və çətin vaxtlarda həmişə bunu sübut edir. Macarıstanla matçı xatırlamaq kifayətdir, oyundan sonra hamı ondan danışırdı. Kriştianu tənqidçilərini susdurdu. Kapitanımız Avropa çempionatında hər 3 matçda əla çıxış etdi. Ronaldunun hansısa görüşdə qol vurmaması hələ pis oynaması demək deyil".
Milli.Az