Sloveniyada təlim-məşq toplanışında olan 21 yaşadək futbolçulardan ibarət Azərbaycan yığması bu gün 2-ci yoldaşlıq oyununu keçirəcək.
Milli.Az apasport.az-a istinadən bildirir ki, Yaşar Vahabzadənin yetirmələri yenidən Sloveniyanın U-21 komandası ilə qarşılaşacaq.
Milli komandamız sloveniyalı həmyaşıdları ilə ilk qarşılaşmadakı darmadağının əvəzini çıxmağa çalışacaq. Mayın 28-də rəqibinə 1:4 hesabı ilə uduzan yığmamız həmin məğlubiyyəti unutdurmaq üçün meydana çıxacaq.
Qeyd edək ki, matç Bakı vaxtı ilə saat 18:00-da başlayacaq.
Yoxlama oyunu
31 may
18:00. Sloveniya (U-21) - Azərbaycan (U-21)
Milli.Az