"Mançester Yunayted"in yeni baş məşqçisi Joze Mourinyo isveçli hücumçu Zlatan İbrahimoviçlə bağlı qərarını dəyişib.
Milli.Az apasport.az-a istinadən xəbər verir ki, portuqaliyalı mütəxəssis artıq Zlatana ehtiyac duymur.
PSJ-dən ayrılan İbrahimoviçin "qırmızı şeytanlar"a keçidi gözlənilsə də, yeni çalışdırıcı daha gənc hücumçuya ehtiyac duyduğunu açıqlayıb. Onun siyahısında adı olan forvardlar isə Mauro İkardi ("İnter") və Pyerr-Emerik Obameyanqdır ("Borussiya", Dortmund).
Ümumiyyətlə, Mourinyo 3 mövqeyə ulduz futbolçu transfer etməyi hədəfləyir. Bunlar müdafiənin mərkəzi, orta sahə və hücumdur. Yarımmüdafiə üçün düşünülən futbolçu "Yuventus"lu Pol Poqbadır.
İbrahimoviç isə karyerasını, çox güman ki, Qətər və ya ABŞ-da davam etdirəcək.
Milli.Az