"Lester" tarixində ilk dəfə İngiltərə çempionu adını qazanıb. "Tülkülər"in buna qədər ən yaxşı nəticəsi 1928/29 mövsümündə çempionatı 2-ci pillədə tamamlaması olmuşdu. Komandanın yarımmüdafiəçisi Endi Kinq isə unikal göstəriciyə imza atıb.
Milli.Az goal.az-a istinadən xəbər verir ki, 27 yaşlı uelsli eyni komanda ilə birinci divizon (2009), Championship (2013) və Premyer Liqada (2016) çempion olan ilk futbolçu kimi tarixə düşüb. Kinq 2006-cı ildən "Lester"də çıxış edir. Bu klub onun peşəkar karyerasında oynadığı tək klubdur.
Milli.Az