İdman

Yarış iştirakçısı: "Bakı Marafonu Azərbaycanda bu idman növünün inkişafına təkan verəcək"

1 May 2016 12:26

Baxış: 1 101

#CƏMİYYƏT #İDMAN #BAKI MARAFONU - 2016

Bakıda marafonun keçirilməsi Azərbaycanda bu idman növünün inkişafına yaxşı təkan verəcək. Bunu Trend-ə Azərbaycandan olan iştirakçı Rinat Soltanov deyib.

O bildirib: "Şadam ki, bu gün buradayam. Fikrimcə, marafonda iştirak mənim üçün çox yaxşı imkandır. Fəxr edirəm ki, belə tədbirlər Azərbaycanda keçirilir".

Qeyd edək ki, bu gün Heydər Əliyev Fondunun təşəbbüsü ilə təşkil olunan Bakı Marafonu 2016-ya start verilib.

Dövlət Bayrağı Meydanından start götürən marafon 21 kilometrdir və Bakı Olimpiya Stadionunda başa çatacaq. 21 km-lik məsafənin qət edilməsinə maksimum 4 saat 30 dəqiqə vaxt verilib.

Ümumilikdə, şəhər sakinlərinin, qonaqların qoşulduğu Bakı Marafonu 2016-da iştirak etmək üçün 3621 nəfər qeydiyyatdan keçib.

Marafon saat 10:00-da başlayıb.

Marafonun əsas məqsədi Azərbaycanda idmanın inkişafına dəstək göstərmək, insanlar arasında, xüsusilə gənclərdə sağlam həyat tərzini təşviq etmək, onları xeyirxah məqsədlər naminə bir araya gətirməkdir.

Bakı Marafonundan toplanan vəsait Heydər Əliyev Fondunun valideyn himayəsindən məhrum olmuş uşaqlarla bağlı layihəsinə yönəldiləcək.

Milli.Az