İdman

Marafon iştirakçısı: "Bakı Marafonu unikal tədbirdir"

1 May 2016 11:38

Baxış: 1 429

#CƏMİYYƏT #BAKI MARAFONU - 2016

Bakı Marafonu 2016 unikal tədbirdir. Bunu Trend-ə marafon iştirakçısı 25 yaşlı Samir Qədirov deyib.

Onun sözlərinə görə, marafon sağlam həyat tərzidir: "Məsafəni sonadək qaçacağıma ümid edirəm".

Qeyd edək ki, bu gün Heydər Əliyev Fondunun təşəbbüsü ilə təşkil olunan Bakı Marafonu 2016-ya start verilib.

Dövlət Bayrağı Meydanından start götürən marafon 21 kilometrdir və Bakı Olimpiya Stadionunda başa çatacaq. 21 km-lik məsafənin qət edilməsinə maksimum 4 saat 30 dəqiqə vaxt verilib.

Ümumilikdə, şəhər sakinlərinin, qonaqların qoşulduğu Bakı Marafonu 2016-da iştirak etmək üçün 3621 nəfər qeydiyyatdan keçib.

Marafon saat 10:00-da başlayıb.

Marafonun əsas məqsədi Azərbaycanda idmanın inkişafına dəstək göstərmək, insanlar arasında, xüsusilə gənclərdə sağlam həyat tərzini təşviq etmək, onları xeyirxah məqsədlər naminə bir araya gətirməkdir.

Bakı Marafonundan toplanan vəsait Heydər Əliyev Fondunun valideyn himayəsindən məhrum olmuş uşaqlarla bağlı layihəsinə yönəldiləcək.

Milli.Az