Yayda "Bavariya"nın baş məşqçisi təyin olunacaq Karlo Ançelotti Münhen klubuna keçmiş komandası "Real"dan iki futbolçu cəlb etməyi planlaşdırır.
Milli.Az goal.az-a istinadən xəbər verir ki, italyan mütəxəsis Münhen klubunu Kərim Benzema və Xames Rodriqeslə gücləndirmək niyyətindədir. O, "Bayer" rəhbərliyindən "Real"la danışıqlara başlamağı xahiş edib.
Xamesin son vaxtlar Madrid klubunda işləri qaydasında getmir. Kolumbiyalı yarımmüdafiəçinin məvacibinin artırılması barədə tələbi "Real"ın prezidenti Florentino Peresin xoşuna gəlməyib. Şantaj məsələsilə gündəmə gələn Benzema isə Zidanın güvəndiyi futbolçulardan biridir.
Milli.Az