PUL
.jpg)
.jpg)
.png)
Fevralın 11-də futbol karyerasını başa vuran Xalid Bulahruz yerli "Helden" jurnalına maraqlı açıqlamalar verib. O, 2006-cı il dünya çempionatında Portuqaliya ilə 1/8 final qarşılaşmasında Ronalduya qarşı kobudluq etdiyi epizodu yada salıb. Milli.Az goal.az-a istinadən xəbər verir ki, holland müdafiəçi buna görə ulduz futbolçudan üzr istəmədiyini bildirib.
"Kriştianu ilə bu qayda pozuntusu barədə heç vaxt danışmamışam. Sonra Van der Saar mənə dedi ki, həmin oyundan 6 ay sonra da Ronaldunun ayağında çapıq izi qalıbmış. Sonra Ronaldunu AVRO-2012-də gördüm. Sneyder onunla söhbət etdi və mənə dedi: "Bax, Bula, sənin dostun". Ronaldunun üz ifadəsi hər şeyi deyirdi. Amma mən üzr istəmədim".
Qeyd edək ki, 2006 mundialının 1/8 finalında baş tutan Hollandiya - Portuqaliya matçı kobud məcrada keçmişdi. Hər iki komanda görüşü 9 nəfərlə tamamlamalı olmuşdu. Pireney təmsilçisindən Koştinya və Deku, "narıncılar"dan isə Bulahruzun özü və Covanni van Bronkhorst meydandan qovulmuşdu. Manişenin yeganə qolu portuqlları 1/4 finala çıxarmışdı.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
