İdman

"Uğurlu çıxışımızı davam etdirməyə çalışacağıq"

9 Fevral 2016 20:46
0 Şərh     Baxış: 1 860
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Hələ öncədən matçın ağır olacağını bilirdik. Rəqib altı oyun idi ki, qol buraxmırdı və yaxşı nəticələr qazanırdı. Bu, onların gücündən xəbər verirdi".

Bu sözləri "Kəpəz"in futbolçusu Şəhriyar Rəhimov açıqlamasında deyib. Kəpəz TV (Region TV) xəbər verir ki, müdafiəçi komandasının Premyer Liqanın XX turu çərçivəsində AZAL-a qarşı keçirdiyi oyun haqda danışarkən daha sonra bunları əlavə edib: "Biz də uğurlu seriyamızın davamını gətirmək istəyirdik. Ona görə matça çox yaxşı köklənmişdik, motivasiyalı idik. Şükürlər olsun ki, qələbə qazanan tərəf biz olduq. Məncə, layiqli qələbə qazandıq. İlk yarıda yaratdığımız qol epizodlarından birindən istifadə etməyimiz komandanı qələbəyə yaxınlaşdırdı".  

Şəhriyar Rəhimov "Kəpəz"in çempionatın ikinci hissəsində uğur startı ilə bağlı da fikirlərini bölüşüb: "Tək ayrı-ayrı futbolçular yox, bütün komanda yaxşı çıxış edir. Meydanda səylə mübarizə aparırıq. Bu da qış fasiləsi müddətində keçirdiyimiz təlim-məşq toplanışından irəli gəlir. Fasilədəki hazırlığın bəhrəsini görürük. Bəlkə də çoxları fikirləşir ki, Yevlaxda yaxşı şəraitdə hazırlaşmadıq. Elə deyil. Düşünürəm ki, orada etməli olduğumuz işin öhdəsindən gəldik. Bizə lazım olanı maksimum əldə etdik. Komandanın uğurlu nəticələrə imza atması da bunun nəticəsidir. Uğurlu çıxışımızı davam etdirməyə çalışacağıq".    

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.