PSG-nin futbolçusu Ezekiel Lavezzinin də Çinə yollanacağı gözlənilir. Goal.az Fransa mətbuatına istinadən xəbər verir ki, 30 yaşlı hücumçunun "Shanghai Shenhua" klubu ilə anlaşdığı deyilir. Ona ildə 10 milyon avro maaş vəd olunub. PSG isə argentinalı hücumçunun satışından 5-10 milyon avro qazanacaq. Nəzərə alsaq ki, Avropada artıq transfer pəncərəsi qapanıb və Lavezzinin parislilərlə müqaviləsi yayda bitəcək, bu təklifi göydəndüşmə hesab etmək olar. Lavezzinin transferinin rəsmən 25-26 fevralda elan olunması mümkündür.
"Shanhgai Shenhua"da Muhəmməd Sissoko, Tim Keyhill, Paulo Enrike və Demba Ba kimi oyunçular da forma geyirlər.
Milli.Az