Hollivud ulduzu Naomi Vatts Uelsdə klub prezidenti olub.
Milli.Az fanat.az-a istinadən xəbər verir ki, 47 yaşlı gözəl aktrisa "Qlantraet" klubuna rəhbərlik edəcək.
Klubun mətbuat katibi Stan Strikland Vattsla anlaşdıqlarını elan edib: "Bu, bizim üçün qürurverici hadisədi. Yaxın günlərdə o, klubu ziyarət edəcək və matçı izləyəcək".
Qeyd edək ki, Naomi Vatts 28 sentyabr, 1968-ci ildə İngiltərənin Kent şəhərində doğulub. Avstraliya əsilli aktrisa 7 yaşında atasını itirib. Bundan sonra anası ilə birlikdə Şimali Uelsə köçüb. 1982-ci ildə ailəsi ilə birlikdə Sidneyə gedərək Avstraliya vətəndaşlığını qəbul edib. İndiyədək Avstraliyada və "Hollywood"da çox sayda filmə çəkidən aktrisa çox sayda mükafat alıb.
"Qlantraet" klubu 1984-cü ildə yaradılıb. Klub Uelsin 1-ci liqasında çıxış edir.
Milli.Az