14:28
Dünya şöhrətli Hollivud aktyoru Jan-Klod Van Damm azərbaycanlı idmançı Zabit Səmədovu təbrik edib.
Oxu.az xəbər verir ki, Səmədov döyüşdə polşalı rəqibi Pol Slaviskini məğlub etdiyinə görə Van Damm ona təbrik görüntüləri yollayıb.
Z.Səmədov bu haqda "ATV xəbər"ə açıqlamasında deyib:
"Mənim üçün ən önəmli təbrik uşaqlıqdan izlədiyim, filmlərinə baxa-baxa məşq etdiyim Van Dammın təbriki oldu. Məni Los-Ancelesə dəvət edib, birlikdə məşq keçirməyi təklif etdi. Bildirdi ki, döyüşlərimi izləyir".
------------
11:47
Xəbər verdiyimiz kimi, məşhur azərbaycanlı K-1 döyüşçüsü Zabit Səmədov Çeçenistanın paytaxtı Qroznı şəhərində "Qroznoy bitvı - 13" çərçivəsində döyüşdə əzəli rəqibi, Polşa əsilli avstraliyalı Pol Slavinskiyə qalib gəlib.
Milli.Az atv.az-a istinadən xəbər verir ki, idmançımızı bu qələbə münasibəti ilə təbrik edənlər arasında məşhur amerikalı aktyor Jan-Klod Van Damm da var. O, bu münasibətlə Zabit Səmədova zəng edib.
Milli.Az