Britaniyalı boksçu Tayson Fyuri ukraynalı Vladimir Kliçkonu məğlub edərək IBF, IBO, WBO və WBA versiyaları üzrə dünya çempionu tituluna yiyələnib.
Milli.Az Daily Mail-ə istinadən bildirir ki, Düsseldorfdakı döyüş 27 yaşlı Fyurinin 39 yaşlı Kliçko üzərində xal hesabı ilə üstünlüyü şəraitində başa çatıb.
Hakimlərin hesabları 115-112, 115-112, 116-111 olub.
V.Kliçkonun hesabında 68 döyüşdə 64 qələbə var. Fyuri isə 25 döyüşdə 25 qələbəyə nail olub.
Vladimir Kliçko son dəfə 2004-cü ilin aprel ayında məğlub olmuşdu. WBO versiyası üzrə vakant dünya çempionu titulu uğrundakı həmin qarşılaşmada o, amerkialı Laymon Büsterə texniki nokautla uduzmuşdu.
Qələbəsindən sonra rinqdə Fyuri "Aerosmith" qrupunun "I Dont Want to Miss a Thing" mahnısını oxuyub.
Qaraçı Tayson Furi homoseksualizm, abortlar və pedofiliyanın düşməni olduğunu deyir.
27 yaşlı boksçuya atası bu adı məşhur Mayk Taysonun şərəfinə verib.
Milli.Az