"Avropa çempionatına yüksəlməkdə mənim də payım var. Bu səbəbdən də federasiyadan gələn təklifə rədd cavabı verməyim gülünc görünür".
Goal.az xəbər verir ki, Ukrayna millisinin məşqçisi Aleksandr Zavarov "Futbol 1" kanalına müsahibəsində bunları söyləyib. Mütəxəssis UFF-la müqaviləsinin müddətini artırmaqdan imtina etdiyi barədə yayılan xəbəri təkzib edib.
Zavarov Ukrayna millisinin məşqçilər korpusuna ölkə futbolunun canlı əfsanəsi Andrey Şevçenkonun daxil ediləcəyini bildirib.
Xatırladaq ki, bir müddət əvvəl Fomenkonun baş məşqçi postunda qalacağı və Zavarovun komandadan gedəcəyi bildirilirdi.
Milli.Az