"Qalatasaray" rəhbərliyi futbolçuların intizamsız hərəkətlərinə qarşı ciddi tədbirlər görmək niyyətindədir. Futbolçuların, xüsusilə əvəzlənərkən baş məşqçi Hamza Hamzaoğluna qarşı narazı jestləri, rəhbərlik və texniki heyətə qarşı tənqidi fikirlərinə qarşı inzaibati cəzalar tətbiq olunacaq. Goal.az Türkiyə mətbuatına istinadən xəbər verir ki, italyan və ingilis klublarındakı pul cərimələrini araşdıracaq "Cim bom"un məsul şəxsləri intizamsızlığı davam etdirən futbolçunu əvəzedici komandaya göndərəcək. Eyni hal 3-cü dəfə təkrarlansa, həmin futbolçu heyətdən uzaqlaşdırılacaq.
Qeyd edək ki, son olaraq Çempionlar Liqasında keçirilmiş "Astana" - "Qalatasaray" matçında əvəzlənən Podolski qəzəbini texniki zonada olan su səbətini təpiklə vurmaqla soyutmuşdu.
Milli.Az