İdman

Türkiyə xal itirdi, İtaliya və Norveç qələbə qazandı

4 Sentyabr 2015 10:18

1 Şərh Baxış: 1 240

Bu gün Avro-2016-nın seçmə mərhələsində növbəti oyunlara start verildi.

Milli.Az apasport.az-a istinadən xəbər verir ki, ilk gündə 3 qrupda matçlar keçirildi.

A qrupunun sürpriz lideri İslandiya yığması Hollandiya millisini qəbul etdi. Seçmə mərhələni o qədər də uğurlu keçirməyən "narıncılar"ı evdə yalnız qələbə qane edirdi. Əks təqdirdə Danni Blindin yetirmələri hətta qrup üçüncülüyünü də təhlükə altına atacaqlardı. Latviyanı qəbul edən qonşu Türkiyə millisi də nəyin bahasına olursa-olsun 3 xal əldə etməli idi. Autsayder Qazaxıstanı qəbul edən Çexiya yığması isə liderliyə yüksələ bilərdi.

B qrupunun lideri Uels ən azı ikinci yerə iddia edən Kiprin qonağı oldu. Qrupun favoritlərindən sayılan Belçikanı da əsas rəqiblərindən olan Bosniya və Herseqovina ilə çətin oyun gözləyirdi.

H qrupunda yer alan Azərbaycan millisi turun ilk matçında lider Xorvatiyanı qəbul etdi. Xorvatların əsas rəqibləri olan İtaliya yığması isə Maltanı sınağa çəkdi. İlk "üçlüy"ə iddia edən Bolqarıstanla Norveçin dueli də maraq doğururdu.

Avro-2016
Seçmə mərhələ
3 sentyabr

A qrupu
Çexiya - Qazaxıstan - 2:1
Qollar: Şkoda, 74, 86 - Loqvinenko, 21

Hollandiya - İslandiya - 0:1
Qol: Siqurdsson, 51

Türkiyə - Latviya - 1:1
Qol: Səlçuq İnan, 77 - Sabala, 90+1