"Qəbələ" Avropa Liqasında növbəti yunan klubu ilə mübarizə aparmalı olacaq. Söhbət Salonikinin PAOK kollektivindən gedir. Milli.Az goal.az-a istinadən xəbər verir ki, klubun yarımmüdafiəçisi Xaris Xarisis püşkatmanı dəyərləndirərkən təmsilçimizin "Panatinaikos"u mübarizədən kənarlaşdırmasına da toxunub.
"Hamımız "Borussiya Dortmund"la eyni qrupa düşmək istəyirdik. Çünki "Signal İduna Park"a səfər və alman azarkeşlərin önündə oynamaq həyəcanlı olacaq. Məqsədimiz Salonikidə yalnz qələbə, səfərdə isə mümkün qədər çox xal toplamaqdır. Çətin qrupdur. "Qəbələ" pley-off mərhələsində "Panatinaikos"u mübarizədən kənarlaşdırdı. Oxşar aqibətlə üzləşməmək üçün ehtiyatlı olmalıyıq".
Milli.Az